Eýropaǵa jetkiziletin Iran munaıynyń kólemi 6 esege artty

ASTANA. QazAqparat - Irannan Eýropalyq odaqqa múshe 28 elge jetkiziletin munaı kólemi 2017 jyldyń 4 aıynda 9 mln 316 myń tonnany qurap, byltyrǵy jyldyń osy kezeńimen salystyrǵanda 6,7 esege artyp otyr. Bul jaıly Eýropalyq komıssııanyń baspasóz qyzmetine silteme jasaǵan IRNA agenttigi málim etti.

2016 jyldyń qańtar aıynan sáýir aıyna deıingi aralyqta Eýropaǵa eksporttalatyn Iran munaıynyń jalpy kólemi 1,378 mln tonnany quraǵan. Iran qara altynyn eń kóp satyp alýshy Italııa bolyp shyqty. Bıylǵy jyldyń alǵashqy 4 aıynda Irannan Italııaǵa eksporttalǵan munaıdyń jalpy kólemi 2,871 mln tonnany qurady. Osylaısha, Italııa EO-qa múshe elderge jetkiziletin munaıdyń jalpy kóleminiń 30 paıyzyn ımporttady.

Budan ózge, Túrkııaǵa jetkiziletin Iran munaıynyń bıylǵy jyldyń sáýir aıyndaǵy kórsetkishi byltyrǵy jyldyń osy kezeńimen salystyrǵanda, úsh esege artyp, 1,209 mln tonnaǵa deıin jetti (táýligine 298,399 myń barrel).

2011 jyly Iranǵa qarsy sanktsııa jarııalanǵannan keıin Iran munaıynyń eksporty aıtarlyqtaı qysqarǵan bolatyn. Alaıda, 2016 jyldyń basynda Iranǵa qarsy sanktsııa alynǵan sátten bastap, eldegi munaı óndirý belsendi ulǵaıyp keledi. Sońǵy jarty jylda Iran munaıynyń eksporttalý kórsetkishi aıtarlyqtaı óskendigi baıqalady.