Eýropaǵa joıqyn «Domıngos» daýyly jaqyndap keledi

<p>&laquo;Kıarannan&raquo; keıin Eýropaǵa jańa kúshti daýyl &ndash; &laquo;Domıngos&raquo; jaqyndap keledi, dep habarlaıdy <a href="Kazinform" target="_blank" rel="noopener">Kazinform&nbsp;</a> <a href="https://ru.euronews.com/2023/11/04/europe-weather-update" target="_blank" rel="noopener">Euronews</a>-ke silteme jasap.</p>

«Kıaran» daýylynan qaza tapqandar sany Eýropada 16-ǵa deıin ósti. Buǵan deıin 12 adam qaza tapqany týraly habarlanǵan bolatyn.

Juma kúni Italııanyń soltústiginde daýyl boldy. Toskanada tótenshe jaǵdaı jarııalandy. Bul aımaqtaǵy keıbir aýdandarda bir aılyq jaýyn-shashyn úsh saǵattyń ishinde jaýǵan. Qatty zardap shekken aýdandardyń biri - Veneto. Bılik bul jaǵdaıdy «buryn-sońdy bolmaǵan oqıǵa» dep atady jáne zardap shekken aýdandarǵa kómek kórsetiletinin habarlady.  

 «Kıaran» daýyly Italııanyń soltústiginen ońtústik-shyǵysqa qaraı jyljıdy jáne eldiń ońtústik bóligine, sondaı-aq Balqan elderine qolaısyz aýa-raıyn ákeldi. Horvatııada, Bosnııada, Chernogorııada jáne Slovenııada qatty jel aǵashtardy qulatyp, úılerdiń shatyrlaryn julyp aldy.

Sonymen qatar Eýropaǵa jańa daýyl - «Domıngos» jaqyndap keledi. Senbi kúni tústen keıin kontınenttiń ońtústik-batysyna túsedi dep boljanyp otyr. Portýgalııada, Ispanııada jáne Frantsııada jel saǵatyna 150 shaqyrymǵa jetedi dep kútilýde.