Eýropadan mal ákelýge shekteý qoıyldy
Oǵan 2011 jyly tamyz aıynda alǵash ret anyqtalyp, «Shmallenberg» degen german qalasynyń ataýy qoıylǵan vırýs týǵyzatyn aýrýdyń kóptep shyǵýy sebep bolǵan. Frantsııadan usaq maldy tasymaldap ákelýge de ýaqytsha shekteý engizilgen, dep habarlaıdy AShM baspasóz ortalyǵy.
Búgingi ýaqytta aýrý Gollandııanyń barlyq aýmaqtarynda ornalasqan 240 mal sharýashylyǵy fermasynda, Belgııanyń 126 fermasynda, Germanııanyń 22 qojalyǵynda, Shyǵys Anglııadaǵy 3 graftyqtyń 4 mal sharýashylyǵynda, sonymen qatar Frantsııadaǵy Lotarıngııa provıntsııasynyń birneshe fermalarynda anyqtaldy.
Atalmysh aýrýdy qoı, eshki jáne iri qara tez juqtyrady, ony qozdyrýshy vırýs sorǵysh jándikter arqyly taralady.
Aýrýdy juqtyrǵan eresek malda lıhoradka, as qortý jolynyń buzylýy, sút ónimdiliginiń tez tómendeýi jáne ish tastaý sııaqty belgiler kezdesedi. Enelerinen Shmallenberg vırýsyn juqtyryp týylǵan tólderdiń býyndarynda jáne omyrtqalarynyń moıyn bóliminde týa bitken kemshilikter kóptep kezdesip, kóp jaǵdaıda mı ulpalarynyń suıyqpen tolǵan kıstozdyq jaralarmen almasýy baıqalady. Mundaı tól óli týylady nemese týylǵannan keıin kóp uzamaı ólip qalady. Jas maldyń ólimi juqtyrylǵan mal toptarynda 20 dan 50 % quraıdy.
Qazirgi ýaqytta bul aýrýǵa serologııalyq test joq, aldyn alýǵa vaktsına shyǵarylmaǵan. Bul indetpen adamnyń aýyrý qaýpi jáne onyń densaýlyǵyna Shmallenberg vırýsynyń keri áser etýin joqqa shyǵarýǵa bolmaıdy, degenmen Shmallenberg vırýsyna genetıkalyq uqsas belgili vırýstar adamda aýrý týǵyzbaǵan.
Joǵaryda atalǵan málimet syrtqy ekonomıkalyq qyzmettiń qatysýshylaryna, Komıtettiń barlyq qurylymdyq bólimshelerine jáne múddeli memlekettik organdarǵa jetkizildi.