Eýropadan ákelingen júk kólikterin zańsyz tirkep kelgen top ustaldy
10:56, 12 Qyrkúıek 2023
ASTANA. QazAqparat - Aqmola oblysynda 2 jyl boıy júk kólikterin zańsyz tirkeý boıynsha qylmystyq qyzmetti júzege asyrǵan adamdar toby, onyń ishinde mamandandyrylǵan HQO qyzmetkerleri áshkerelendi, dep habarlaıdy QazAqparat Qarjy monıtorıngi agenttiginiń baspasóz qyzmeti.
Tergeý barysynda QMA aýmaqtyq departamenti Kókshetaý qalasynyń HQO mamandandyrylǵan bólimine Eýropadan ákelingen 100-den astam avtokólik quralyn alǵashqy tirkeý kezinde alym tólengeni týraly jalǵan tólem qujattaryn berý faktilerin anyqtady.
Qylmystyq is-áreketten memleketke 700 mln teńgeden astam shyǵyn keldi.
Atalǵan faktiler boıynsha sotqa deıingi tergep-tekserý bastaldy jáne kúdikti adamdarǵa qatysty sot qamaýda ustaý túrindegi bultartpaý sharasyna sanktsııa berdi.
QR QPK-niń 201-babyn saı ózge aqparat jarııalanbaıdy.