Eýropada jylyna 1,4 mıllıon adam ekologııalyq faktorlardan kóz jumady – DDU
Jyl saıyn mıllıondaǵan adam aýanyń lastanýynan týyndaǵan aýrýlardan kóz jumady. Ásirese kerosın jáne kómir arqyly úı jylytyp, tamaq pisirýge májbúr kedeıler. Bul ınsýlt, júrektiń ıshemııalyq aýrýy, balalardaǵy pnevmonııa jáne ókpeniń qaterli isigine ákeledi.
Sondaı-aq kóp adamdar lastanǵan sý arqyly beriletin ınfektsııalardy juqtyrady.
DDSU jyl saıyn ekologııaǵa baılanysty qaýip faktorlarynyń saldarynan 1,4 mıllıon adam qaıtys bolady dep atap ótti. Osy ólim-jitimniń sebepteri men qaýip faktorlaryn taldaǵannan keıin sarapshylar olar ekologııaǵa, densaýlyqqa, turǵyn úı jaǵdaılaryna, sondaı-aq aýyz sýǵa jáne sanıtarııa qyzmetterine qol jetkizýge baılanysty elder ishindegi aýqymdy teńsizdikti kórsetedi degen qorytyndyǵa keldi.
«Keltirilgen derekter DDU-nyń Eýropa aımaǵyndaǵy barlyq elderde aýqatty adamdarǵa qaraǵanda áleýmettik az qamtylǵan halyqtar ekologııalyq qaýipterge kóbirek ushyraıtynyn kórsetedi. Bul qorytyndy densaýlyq saqtaý salasynyń barlyq mamandaryn qatty alańdatady», - dedi DDU Eýropa qorshaǵan orta jáne densaýlyq ortalyǵynyń basshysy Francheska Ratsıoppı.
Onyń oıynsha mundaı teńsizdikterdi joıý jáne azaıtý úshin ekologııalyq qaýip-qaterge kóbirek ushyraıtyn elder men halyqtyń qajettilikterine beıimdelgen strategııalar qajet.