Eýropada «Uly dalanyń jeti qyry» kontserttik týrnesi ótýde

BRıÝSSELЬ. QazAqparat - Eýropa qalalarynda «Uly dalanyń jeti qyry» kontserttik týrneleri ótip jatyr, dep habarlaıdy «QazAqparat» HAA-nyń menshikti tilshisi Frantsııadaǵy «Qorqyt» qazaq mádenı ortalyǵyna silteme jasap.

Gastrol saparlaryn «A1» prodıýsserlik ortalyǵy «Art Ambassador» kompanııasymen birlestikte, Qazaqstannyń Frantsııadaǵy elshiligi men Monakodaǵy qurmetti konsýldyǵynyń qoldaýymen uıymdastyryp otyr.

Týrne dúısenbi kúni Monakodaǵy bastalyp, varete teatrynan bastalǵan. Qazir Kannyda ótip jatyr, sońǵy kontsert Parıjde ótedi.

Kontsertterdiń baǵdarlamasyna «Turan» etnofolklorlyq ansambli, «T&Y» dombyrashylar dýeti, qazaqtyń dástúrli ánderin oryndaýshy Aıdana Qarjaýbaeva jáne qobyzshy Áıgerim Áshimova qatysýda.

«Búgingi keshte biz qazaq ánderimen birge Qazaqstannyń ushy-qıyry joq dalasyna saıahattap, qazaq halqynyń tarıhyna úńildik», - deıdi Monakonyń memlekettik hatshysy Jak Býasson.

«Men áserlengenim sonshalyq, kontserttiń basynan aıaǵyna sheıin kirpik qaqpaı otyrdym. Qazaqstan tańǵajaıyp el. Mýzyka men peızaj arqyly taǵy bir ret Qazaqstanǵa baryp kelgendeı boldym», - deıdi frantsýz jazýshysy ári sýretshi Sılvana Lorents.

Gastrol saparlary «Rýhanı jańǵyrý» baǵdarlamasynyń aıasynda ótip jatyr.

Avtory: Tımýr Dúısekeev