Eýropada Naýryz merekesiniń qurmetine úlken kontsert bolyp ótti (FOTO)

ASTANA. QazAqparat - Bıyl TÚRKІSOI túrki mádenıetiniń halyqaralyq uıymy Eýropanyń úsh qalasynda Naýryz meıramynyń atap ótilýin uıymdastyrdy.

2015 jyldyń 24 naýryzynda kontsert Eýropa mádenıetiniń astanasy bolyp tanylǵan Parıj qalasynda, 26 naýryz kúni - Germanııanyń eń iri qalalarynyń biri - Kelnde, al 28 naýryzda - uly Motsarttyń otany Venada ótti.

Merekeni bastaý belgisi ıÝNESKO-nyń Parıjdegi ǵımaratynda berildi. Uıymnyń 70 jyldyǵyna da arnalǵan shara ıÝNESKO janyndaǵy birqatar elder - Reseı Federatsııasy, Ázerbaıjan, Qazaqstan, Túrkimenstan jáne Qyrǵyzstannyń turaqty ókildikteriniń kómegimen ótti.

Esterińizge sala keteıik, Naýryz Halyqaralyq kúnin birlesip ótkizý týraly kelisimge 2015 jyldyń qańtar aıynda ıÝNESKO-nyń bas dırektory Irına Bokovanyń TÚRKІSOI-dyń shtab páterine sapary kezinde qol jetkizildi.

Odan keıin Naýryzdyń Eýropada atap ótilýi Keln qalasynda jalǵasty, mundaǵy sharany TÚRKІSOI Túrkııanyń ıÝnýs Emre atyndaǵy Zertteý ortalyǵymen (ıÝnýs Emre ınstıtýty) birlesip uıymdastyryldy. Parıjden Kelnge 12 saǵattyq ushýdan keıin sharshaǵandaryna qaramastan, 14 elden jınalǵan 80 ártis nemis jurtshylyǵyna tamasha kontsert kórsetti.

Naýryzdy Eýropada merekeleýdiń sońǵy kontserti Avstrııa astanasy Vena qalasyndaǵy Hofbýrg ımperatorlyq saraıynda ótti.