Eýropada maımyl sheshegin juqtyrǵandar sany ósýde
Germanııanyń Robert Koh ınstıtýtynyń málimeti boıynsha, 10 tamyzda Germanııada maımyl sheshegin juqtyrǵan 3025 adam anyqtaldy. Saraptama nátıjesi boıynsha basym kópshiligi erler arasynda tirkelgen. Sondaı-aq segiz áıel, eki jasóspirim jáne tórt jasar qyz aýyryp qaldy, dep habarlady nemis mamandary.
Sonymen birge Deutsche Aidshilfe AITV-men aýyratyn naýqastarǵa kómek kórsetý uıymynyń ókilderi Germanııada maımyl sheshegine qarsy vaktsınalardyń shekteýli mólsherde jetkiziletinin aıtty.
Belgııada maımyl sheshegin juqtyrǵan alǵashqy áıelder tirkedi. Belgııanyń Densaýlyq saqtaý mınıstrliginiń málimetinshe, qazir el turǵyndaryna vaktsınanyń 3 myńǵa jýyq dozasy ǵana qoljetimdi. Osyǵan baılanysty táýekel tobyna jatatyn adamdar Frantsııanyń vaktsınasy jetkilikti kórshiles aımaqtaryna barady.
Eýrokomıssııa ókili seısenbide vaktsınanyń óndiristik qýaty shekteýli ekenin aıtty.