Eýropada «kovıd ruqsatnamasynyń» qoldaný aıasy keńeıtilip jatyr

NUR-SULTAN. QazAqparat – Frantsııanyń Konstıtýtsııalyq keńesi meıramhana, saýda úılerine, keıbir jaǵdaılarda aýrýhanalarǵa baryp, sonymen qatar halyqaralyq sapar jasaý úshin «sanıtarlyq ruqsatnama» engizýde. Jańa sharalar dúısenbi kúni kúshine enedi, dep habarlaıdy QazAqparat Euronews-ke silteme jasap.

Vaktsına saldyrtýǵa qarsy azamattar Marselde taǵy da narazylyq sherýine shyqty.

Manıfestanttar medıtsınalyq qyzmetkerlerdi mindetti vaktsınalaýǵa qarsylyq bildirdi.

Aýrýhanalardyń birin tekserý barysynda Frantsııanyń Densaýlyq saqtaý mınıstri Olıve Veran «kovıd ruqsatnamasynyń» medıtsınalyq kómek alýda kedergi bolmaıtynyna sendirdi. «Ruqsatnamasy joq adamdardy medıtsınalyq kómekten aıyrylmaıdy. Biz aýyryp jatqan jáne álsiz adamdar shoǵyrlanǵan oryndarda vırýstyń bolmaıtynyna senimdi bolǵymyz keledi», - dedi ol.

Osy meztte Ulybrıtanııa Frantsııadan kelýshilerge qoldanylatyn sharalardy jeńildetip jatyr. London vaktsına alǵandarǵa karantındi alyp tastady. Saıahatshylar PTR testiniń teris nátıjesin kórsetse jetkilikti.

Italııa JOO jáne mektep qyzmetkerlerine, sonymen qatar stýdentterge mindetti «kovıd sertıfıkatyn» engizedi. «Grın-passyz» azamattar poıyz arqyly uzaq jerlerge attanyp, ushaq bortyna kóterile almaıdy. Jumadan bastap elde sportzal, murajaı, teatrlarǵa jáne terrassalardy qospaǵanda, meıramhanalarǵa barý úshin QR kod iske qosyldy.