Eýropada koronavırýstan kóz jumǵan adamdar sany ósti – DDU

NUR-SULTAN. QazAqparat - Eýropalyq aımaqta COVID-19 juqtyrý sany ósýde. Dúnıejúzilik densaýlyq saqtaý uıymy maska rejımin saqtaýdy jáne táýekel tobyna jatatyn adamdarǵa vaktsına salýdy usynyp otyr, dep habarlaıdy QazAqparat BUU Jańalyqtar qyzmetine silteme jasap.

Ótken aptada DDU Eýropalyq aımaq elderinde COVID-19-dan ortasha eseppen kúnine 4 200 adam qaıtys boldy, bul qyrkúıek aıymen salystyrǵanda eki ese kóp. Eýropa men Ortalyq Azııada qaıtys bolǵan adamdardyń basym bóligi KVI juqtyrǵandar, dep habarlady Dúnıejúzilik densaýlyq saqtaý uıymy.

Sarapshylar eskertkendeı, DDU Eýropalyq aımaǵynyń 53 eliniń 25-inde jaqyn arada aýrýhanalarda oryn qalmaýy múmkin, al kelesi jyldyń naýryzyna deıin 49 elde naýqastarǵa ıntensıvti terapııa palatalarynda oryndar jetispeıdi dep boljap otyr. DDU málimetteri boıynsha, kóktemge qaraı osy aýrýdan qaıtys bolatyndar sany 2,2 mıllıonnan asýy múmkin.
«Vırýsqa qarsy kúresý úshin jáne qatań shekteýler qoldanbaý úshin «vaktsına plıýs» tásilin qoldanýymyz kerek. Bul degenimiz vaktsınatsııanyń tolyq kýrsynan ótip, múmkindik bolsa qosymsha údetkish dozasyn alý qajet», - dep atap ótti DDU Eýropalyq bıýrosynyń basshysy Hans Klıýge.