Eýropada qys qatty: Germanııada úsh adam qaza tapty

<p>ıAkýtııada aıaz, Oımıakondaǵy &laquo;sýyq polıýste&raquo; temperatýra 57 gradýsqa deıin tómendedi. <a href="https://kaz.inform.kz/" target="_blank" rel="noopener">Kazinform </a>bul týraly <a href="https://ru.euronews.com/2023/12/05/bad-weather-europe-victims-in-germany" target="_blank" rel="noopener">Euronews</a> saıtyna silteme jasap habarlaıdy.</p>

Germanııa

Germanııada tolassyz jaýǵan jańbyr aralas qardan jol apattary jıilep, úsh adamnyń qazasyna sebep boldy. Mıýnhen áýejaıy reısterdi toqtatýǵa májbúr. Saksonııada mektep avtobýsy apatqa ushyrap, bir bala qaza tapty, taǵy alty oqýshy jaraqat aldy. Eki eresek adam, onyń ishinde júrgizýshi aýyr jaraqat aldy.

Joǵarǵy Bavarııada jeńil kólik pen traktor tirkemesi soqtyǵysyp, taǵy eki adam qaza tapty.

Mıýnhen mańyndaǵy A99 avtojoly 13 kóliktiń apatqa ushyraýynan keıin eki baǵytta da toqtatyldy.

Deutsche Bahn poıyz operatory Mıýnhen aımaǵyndaǵy qyzmetter birneshe kúnge úziletinin aıtty.

Seısenbi kúni tańerteń Aýstrııanyń Zaltsbýrg jáne Insbrýk qalalaryna, sondaı-aq Shveıtsarııadaǵy Tsıýrıhke temirjol qatynasy toqtatyldy. Deutsche Bahn Germanııanyń ońtústiginde de reıster keshigip, keıinge qaldyrylýy múmkin ekenin aıtty. Jolaýshylardan mańyzdy emes saparlardy keıinge qaldyrýǵa keńes berildi.

Ulybrıtanııa

Anglııanyń birqatar aımaǵynda qolaısyz aýa raıy sý tasqynyna ulasyp, temirjol qatynasy úzildi, birneshe baǵyttaǵy tasjol jabyldy.

Anglııanyń soltústiginde, Kambrııada qalyń qar saldarynan myńdaǵan úı elektr jaryǵynsyz qaldy, kólikter qar basqan joldarda turyp qaldy.

Polsha

Krakov ótken demalys kúnderi jaýǵan qalyń qarmen áli alysyp jatyr. Qala kóshelerine 4600 tonna tuz tógildi. Úsh kúnde qar tazalaýǵa jyldaǵydan kóp qarjy jumsaldy.