Eýropada gaz baǵasy tómendedi
ICE Futures (Nıderlandy) bırjasynda gaz baǵasy saýda ashylǵanda myń tekshe metri 1 200 AQSh dollaryna deıin tómendedi. Sáýirdegi fıýchersterdiń baǵasy TTF habynda 15,99%-ǵa deıin tómendep, 1 MVt•saǵaty 110,25 eýroǵa jetti.
«Kók otyn» jetkizilýiniń tapshylyǵyna baılanysty birneshe aı boıy gaz baǵasy aıtarlyqtaı ósken bolatyn. Belgııadaǵy BAQ málimetinshe, Ýkraına men Reseı delegatsııalary arasyndaǵy kelissózder shıkizat satýshylardyń kúmánin tómendetken.
Gaz baǵasynyń dınamıkasyna Eýropadaǵy aýa raıynyń jaqsarýy men jylytý maýsymynyń naýryz aıynyń sońynda aıaqtalatyn kezi jaqyndaǵany qosymsha yqpal etken.
«Gazprom» reseılik kompanııasy Eýropaǵa gazdy shtattyq rejımde jetkizip jatyr, sonyń ishinde Ýkraına aýmaǵy arqyly.
«Gazprom» ókilderiniń aıtýynsha, bir táýlikte Eýropaǵa 109,5 mln tekshe metr gaz jetkizilýde.