Eýropada bir aıda gaz baǵasy 18 paıyzǵa ósken

MÁSKEÝ. TASS - QazAqparat - 2022 jyldyń qarasha aıynyń qorytyndysy boıynsha gaz baǵasy qazan aıynyń sońynda 18%-ke qymbattap, 1 myń tekshe metri $1 560 bolǵan, dep habarlaıdy QazAqparat TASS agenttigine silteme jasap.

Baǵa kóterilýiniń negizgi faktorlarynyń biri - jylytý maýsymynyń bastalýy jáne aýa raıynyń sýytýy.

Eger 31 qazanda gaz fıýchersteri 1 myń tekshe metri $1 246 bolsa, 30 qarashada saýda 1 558 dollarmen aıaqtalǵan. Bul 18%-ke joǵary.

Sonymen qatar, Eýropadaǵy gazdyń ortasha baǵasy qarasha aıynda 1 myń tekshe metrge shamamen 1 259 dollardy, al qazan aıynda 1 379 dollardy qurady.

Bul qoımalardy toltyrý úshin gazǵa degen suranystyń joǵarylaýy jáne «Soltústik aǵyndardyń» zaqymdaný saldary aıasynda qazan aıynyń birinshi jartysynda gaz qymbattaýyna baılanysty boldy.

Qarasha aıynyń sońyna qaraı baǵanyń ósýiniń basty sebepteriniń biri - jylytý maýsymynyń bastalýy, degenmen ol tek 14 qarashada bastaldy.

Qazir Eýropa elderi kún saıyn óz qoımalarynan gaz alý qarqynyn arttyryp jatyr.

Sondaı-aq qarasha aıynyń sońyna qaraı Eýroodaqta elektr energııasyn óndirýdegi jel generatsııasynyń ortasha úlesi aıtarlyqtaı tómendedi.

Onyń tómendeýi turmystyq qajettilik pen ónerkásipte gazdy kóbirek paıdalanýǵa ákeledi.

Foto: Strınger/ RIA Novostı