Eýropa shekaradan ótýge shekteý qoıady, AQSh-ta buǵydan koronavırýs tabyldy

NUR-SULTAN. QazAqparat - Qazaqstanda koronavırýstyń taralýyna jol bermeý jónindegi vedomstvoaralyq komıssııa álemdegi epıdemıologııalyq ahýalǵa sholý jasady, dep habarlaıdy QazAqparat.

Eýropalyq Odaq AQSh-tan kirýge shekteý engizýdi josparlap otyr.

Olar sondaı-aq Izraıl, Chernogorııa, Lıvan, Soltústik Makedonııa jáne Kosovodan kirýge shekteýler engizýi múmkin.

Eger EO elderiniń eshqaısysy qarsylyq bildirmese bul jańa shekteýler 30 tamyzda qabyldanady.

Ulybrıtanııada «delta» nusqasynyń taralýy aýrýhanaǵa jatqyzý jıiligin eki ese arttyrdy.

Vırýstyń bul túrin juqtyrǵan patsıentterdiń reanımatsııaǵa túsý qaýpi 1,5 ese joǵary.

Ǵalymdardyń mundaı baqylaýy Lancet Infectious Diseases jýrnalyndaǵy maqalada jarııalandy.

«Eldiń barlyq turǵyndary úshin ınfektsııa men aýrýhanaǵa jatqyzý qaýpin barynsha azaıtý úshin halyqty tolyq vaktsınatsııalaý qajet» deıdi dárigerler.

AQSh aýyl sharýashylyǵy mınıstrligi buǵy koronavırýsynyń álemdegi alǵashqy jaǵdaılary týraly habarlady.

Vırýs Ogaıo shtatyndaǵy aq quıryqty buǵydan tabyldy.

Sarapshylar aýrý juqtyrǵan buǵylarda klınıkalyq belgiler baıqalmaǵanyn aıtady.