«Eýropa Plıýs Qazaqstan» radıostantsııasy málimdeme jasady

NUR-SULTAN. QazAqparat - «Eýropa Plıýs Qazaqstan» radıostantsııasy qyzmetine qatysty resmı túsinik berdi, dep habarlaıdy QazAqparat tilshisi.

«Eýropa Plıýs Qazaqstan» radıostantsııasynyń qyzmetkeri Lıýbov Panovanyń áleýmettik jelidegi aıtqan ustanymy bizdiń radıostantsııanyń saıasatyna esh qatysy joq», - delingen habarlamada.

«Eýropa Plıýs Qazaqstan» aqparattyq saıasaty ınternatsıonalızm, Qazaqstannyń egemendigi jáne ál-aýqaty sııaqty myzǵymas qundylyqtarǵa qurylady. Halyqaralyq qatynastar salasynda biz Qazaqstan Respýblıkasynyń Prezıdenti Qasym-Jomart Toqaevtyń halyqaralyq arenadaǵy saıasatyn tolyǵymen bólisip, efırde taratamyz.

Sonymen qatar, bizdiń qyzmetkerdiń jarııalaǵan málimdemesi kompanııanyń tártiptik komıtetinde qaralatyn bolady.

«Eýropa Plıýs Qazaqstan» radıostantsııasynyń aqparattyq saıasaty qatań tekserýden ótken ózekti jańalyqtarǵa negizdelgen. Bizdiń radıonyń efırinde eshqashan radıkaldy pikirler nemese rastalmaǵan faktiler aıtylmaıdy. Biz radıo tyńdaýshylarymyzdy, elimizdi jaqsy kóremiz jáne biz Qazaqstannyń beıbitshiligi men gúldenýine qyzmet etýi úshin jumysyzdy odan ári jalǵastyramyz», - delingen radıostantsııanyń Instagram paraqshasynda.