Eýropa Odaǵy Túrkııaǵa zilzaladan keıingi qalpyna keltirý jumystaryna 1 mlrd eýro kredıt bóledi
Bul jaıynda Eýropalyq Komıssııa basshysy Ýrsýla fon der Lıaıen búgin Brıýsselde, Túrkııa men Sırııaǵa kómek donorlarynyń halyqaralyq konferentsııasynyń ashylýynda málim etti.
Aıtýynsha, Eýropa Odaǵy men aımaqtaǵy qarjy ınstıtýttary kredıtten bólek qosymsha jarnalar aýdarady.
Al Sırııaǵa 108 mln eýro gýmanıtarlyq kómek retinde bólinedi.
«Men Eýrokomıssııa Túrkııaǵa 1 mlrd eýro kóleminde kredıt bóletinin habarlaıtynyma qýanyshtymyn. Sondaı-aq, biz Sırııaǵa gýmanıtarlyq kómek retinde jáne alǵashqy qalpyna keltirý jumystaryna dep 108 mlrd eýro bólemiz. Budan bólek EO elderi men eýropalyq qarjy ınstıtýttary qosymsha jarnalar aýdarady», - dedi ol.
Ýrsýla Fon der Lıaıen Eýroodaq Sırııaǵa baǵyttaıtyn kómekti qandaı jolmen jetkizetinin naqty aıtqan joq. Óıtkeni Sırııa qazir Reseıden keıin eń kóp sanktsııa salynǵan el bolyp otyr.
Eske salsaq, 6 aqpanda Túrkııanyń ońtústik-shyǵysynda 7,7, jáne 7,6 baldyq jer silkinisteri bolyp, dúmpýi Sırııany ábigerge salǵan. Resmı derek boıynsha, Túrkııanyń ózinde ǵana apat saldarynan 50 myńnan astam turǵyn qaza taýyp, 107 myńnan astam zardap shekken.