Eýropa odaǵy 1 shildeden bastap shekarasyn ashady

LONDON. VVS – QazAqparat – Eýropalyq Odaq azamattarǵa 1 shildeden bastap óz aýmaǵyna kirýge ruqsat berilgen 14 eldiń tizimin atady. Bul tizimge Reseı, AQSh, Qytaı Brazılııa, Qazaqstan kirmeıdi, dep habarlaıdy QazAqparat BBC agenttigine silteme jasap.

Eýropa bıliginiń sheshimine sáıkes, koronavırýstyń taralýy turǵysynan «qaýipsiz» dep tanylǵan elder: Aljır, Aýstralııa, Kanada, Grýzııa, Japonııa, Chernogorııa, Marokko, Jańa Zelandııa, Rýanda, Serbııa, Ońtústik Koreıa, Taıland, Týnıs jáne Ýrýgvaı. Bul tizimge ózgeris engizilýi múmkin, ol eki apta saıyn qaıta qaralyp otyrady.

Dıplomatııalyq aqparat kózderine súıensek, Qytaı bıligi eýropalyqtarǵa osyndaı quqyq berse, Qytaı da qaýipsiz elder tizimine qosylýy múmkin. Ulybrıtanııa resmı túrde EO-dan shyqty, biraq ol Eýroodaqpen ótpeli kezeń úshin, kem degende, osy jyldyń 31 jeltoqsanyna deıin ortaq saıasat júrgizedi. Sondyqtan brıtandyq azamattar EO turǵyndary sııaqty birdeı quqyqqa ıe.

BBC eýropalyq redaktory Katıa Adler habarlaǵandaı, seısenbi kúni tústen keıin EO qaýipsiz dep tanylǵan elderdi resmı krıterııleri boıynsha naqty maquldaýǵa nıetti. Alaıda, EO músheleriniń kópshiligi joǵaryda atalǵan elderdiń tizimimen kelisken.