Eýropa lıtıı gıdroksıdin óndire bastady

<p>ASTANA. KAZINFORM&nbsp;&mdash; Germanııada Eýropadaǵy lıtıı óńdeıtin alǵashqy zaýyt ashyldy. Ol&nbsp;elektr kólikteriniń akkýmýlıatorlaryna qajetti lıtıı gıdroksıdin óndiretin bolady, dep habarlaıdy <a href="https://ru.euronews.com/my-europe/2024/09/19/germany-lithium-refinery?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews</a>. AMG Lithium Germanııada Eýropadaǵy birinshi lıtıı gıdroksıdin óńdeıtin zaýytyn ashty. Onyń qurylysyna eki jyldan sál astam ýaqyt ketip, 140 mln eýro jumsaldy.</p>

Lıtıı — elektr kólikteriniń akkýmýlıatorlaryn óndirý úshin qajetti negizgi element.

«Elektr kólikteri úshin sizge belgili bir ónimdilik pen júrgizý aýqymy qajet bolsa, lıtıı-ıondy akkýmýlıatordyń orny bólek», — dedi AMG Lithium basqarýshy dırektory Shtefan Sherer.

Zaýyt shıkizattyń kóp bóligin Brazılııadan alatyn bolady, sodan keıin lıtııdi akkýmýlıatorlyq lıtıı gıdroksıdine aınaldyrady.

Germanııadaǵy zaýyt jylyna jarty mıllıon elektromobılge jetetin 20 myń tonna lıtıı gıdroksıdin shyǵarady dep kútiledi. 

Zaýytty iske qosý maqsattardyń biri — Eýropa elderiniń syrtqy jetkizý kózderine táýeldiligin azaıtý. Bolashaqta munda Eýropada óndirilgen lıtıı de osynda óńdeletin bolady.