Eýropa lıgasynda «Rýjemberoktan» jeńilgen «Tobyl» Konferentsııa lıgasyna túsip qaldy

<p>ASTANA. KAZINFORM - Búgin, 18 shildede Qostanaıdyń &laquo;Tobyly&raquo; fýtboldan Eýropa lıgasy birinshi irikteý kezeńinde óz alańynda Slovakııanyń &laquo;Rýjemberok&raquo; komandasymen kezdesti.</p>

Alǵashqy oıynda qostanaılyq klýb qarsylasyna 2:5 esebimen jeńilip qalǵan edi. Sondyqtan búgingi kezdesýde olar kem degende úsh dop aıyrmasymen jeńiske jetýi tıis edi. Mundaı jaǵdaıda eki oıynnyń nátıjesi boıynsha jeńimpaz qosymsha kezeńde nemese penaltıler serııasy arqyoy anyqtalatyn.

Sony túsingen qostanaılyq fýtbolshylar alǵashqy mınýttan qarsylas komanda qaqpasyna lap qoıdy. Nátıjesinde jyldam gol soǵyp úlgerdi. Oıynnyń 8-mınýtynda Ahmed El Messaýdı óz múmkindigin múlt jibergen joq. 

Qostanaılyq komandanyń budan keıin de esepti ulǵaıtýǵa kúsh saldy. Dese de birinshi kezeńde bul degenine jete alǵan joq.

Ekinshi kezeń de «Tobyldyń» basymdyǵymen ótti. Qos qanattan jıi shabýyl uıymdastyrdy. Soǵan qaramastan shabýyldy túıindeıtin sátte dáldik jetispeı jatty.

Osylaısha «Tobyl» qarsylasynan 1:0 esebimen basym túskenimen Eýropa lıgasyndaǵy jarys jolyn aıaqtady. Endi olar Konferentsııa lıgasy ekinshi irikteý kezeńinde synǵa túsedi. 

Endi saǵat 23:50-de ÝEFA Konferentsııa lıgasynyń birinshi irikteý kezeńi aıasynda «Aqtóbe» syrt alańda bosnııalyq «Saraevo» komandasymen kezdesedi. Oıyn «Qazsport» telearnasynan tikeleı efırde kórsetiledi.

Aıta ketsek, elordalyq «Astana» jarysty Konferentsııa lıgasy ekinshi irikteý kezeńinen bastaıdy.

Eske salsaq, budan buryn Chempıondar lıgasy birinshi irikteý kezeńinde shymkenttik «Ordabasy» Moldovanyń «Petrokýb» klýbyna (0:0, 0:1) jol berdi.