Eýropa kúni qarsańynda «Báıterek» pen «Nur Álem» erekshe túske endi

NUR-SULTAN. QazAqparat - Eýropa kúni qarsańynda «Báıterek» pen «Nur Álem» Eýropalyq odaq týy sııaqty túske endi, dep habarlaıdy «QazAqparat» HAA menshikti tilshisi.

«Osy kúndi atap ótýge EO Qazaqstandaǵy ókildigi men Eýroodaqqa múshe memleketter men birqatar halyqaralyq uıymdardyń ókilderiniń qyzmetkerleri keldi»,-dep habarlady EO dıplomatııalyq mekemesi óziniń Facebook paraqshasynda.

«Búgingi merekede Qazaqstandy táýelsizdiginiń 30 jyldyǵymen quttyqtaımyz. Qazaqstan men eýropalyq Odaq arasyndaǵy seriktestik nyǵaıa bersin!»,-dep jazdy eýropalyq dıplomattar.

Eýropa kúni 1950 jyldan beri jyl saıyn 9 mamyrda atalyp ótedi. Osy kúni Shýman deklaratsııasy qabyldanǵan. Osy qujat qabyldanǵan kúnnen bastap, Eýroodaqtyń negizi sanalatyn eýropalyq kómir men bolat shyǵaryla bastady. Búginde Eýropalyq Odaq quramyna 27 memleket kiretin halyqaralyq uıym.

Tımýr Dúısekeev