Eýropa koronavırýstyń jańa tolqyny bolatynyn boljaýda

ASTANA. QazAqparat – Eýropada kún sýytyp, COVID-19-dyń jańa tolqyny bastalýy múmkin. Vırýstyń kezekti mýtatsııalary ǵalymdardy alańdatady. Osyǵan baılanysty eýropalyqtarǵa, ásirese qaýip tobynda turǵandarǵa, aldyn-alý sharalaryn qabyldaýǵa jáne vaktsınatsııadan ótýge keńes beriledi, dep habarlaıdy QazAqparat Euronews-ke silteme jasap.

«Qazirgi ýaqytta biz kúzgi kezeńnen shyǵyp, qysqy kezeńge ótemiz. Biz aýrý órshıdi dep boljap jáne baqylap otyrmyz. Pandemııa kezinde ártúrli varıatsııalardyń paıda bolǵany anyq, biraq mańyzdysy vaktsınalar áli de óte tıimdi bolyp qala bermek», - dedi DDU Eýropalyq bıýrosynyń joǵary qaýipti patogender tobynyń jetekshisi Rıchard Pebodı.

Dárigerler kúzde jáne qysta tumaý men COVID vırýstary bir ýaqytta taralatynyn eskertedi.

Shekteýlerdi engizý qajettiligi týraly máselelerdi ár el óz betinshe sheshetin bolady.

Foto: pbs.twimg.com