Eýropa elderinde daýyldan 20 adam qaza tapty

<p>&laquo;Kıaran&raquo; men &laquo;Domıngos&raquo; Atlantıkadan Balqanǵa deıin, Eýropanyń birneshe elindegi 20 adamnyń ómirin qıdy. <a href="https://www.inform.kz/" target="_blank" rel="noopener">Kazinform</a> bul týraly &nbsp;<a href="https://ru.euronews.com/2023/11/05/ru-bad-weather-continues" target="_blank" rel="noopener">Euronews</a> agenttigine silteme jasap habarlaıdy.&nbsp;</p>

Qala kósheleri men aýyl sharýashylyǵy oryndary ózenge aınaldy. Qulaǵan aǵashtar, úıdiń jel ushyryp áketken shatyrlary, zaqymdalǵan elektr taratý jelileri. «Kıaran» daýyly men onyń artynsha jetken «Domıngostyń» saldary osyndaı.

Tabıǵat apatynan ásirese Italııa zardap shekti: Toskana aımaǵynda jeti adam mert boldy, elde eki turǵyn iz-túzsiz joǵalyp ketti. Keıingi qurban – 69 jastaǵy er adamnyń denesi Florentsııadan soltústik-batysqa qaraı ornalasqan sý basqan júgeri alqabynan tabyldy.

Pıstoıa provıntsııasynda bılik ókilderi daýys kúsheıtkishpen turǵyndardy ǵımrattardyń joǵarǵy qabatyna shyǵýǵa úndep, qum toltyrylǵan qaptar taratyldy.

Toskana basshysy Eýdjenıo Djanı jeksenbi kúni júzdegen mıllıon eýro shyǵyn kelgenin aıtty.

Eýropa boıynsha eki daýyldan 20 adam qaza tapty.

ІІM dereginshe, Frantsııada qurbandar sany úsheýge jetken. Toǵyz adam aýyr jaraqat aldy.

Jeksenbi kúni Pont-Aven qalasynda Enedis kompanııasynyń qyzmetkeri qaıtys bolǵany belgili boldy. Ony Frantsııanyń ońtústiginen Bretan qalasyna elektr jelisin qalpyna keltirýge kómektesý úshin jibergen. Aldyn ala tergeý boıynsha, zaqymdalǵan kabelderdi jóndep jatqan sátte ony toq urǵan.

Bolgarııanyń soltústik-shyǵysyndaǵy Shýmensk oblysynda eki adam qaza tapty. Kún kúrkirep, nóser jańbyr jaýyp, daýyldy jel soqqannan keıin kóptegen eldi meken jaryqsyz qaldy.

Horvatııada, Adrıatıka jaǵalaýynda sý tasý qaýpine baılanysty eskertýdiń qyzǵylt sary túsi jarııalandy.

Kúzgi tsıklon qalypty jaǵdaı ekenine qaramastan jaǵymsyz aýa raıy qarqyny adamnyń áreketinen týǵan jahandyq jylyný saldarynan kúsheıe berýi múmkin.