Eýropa elderindegi karantındik jeńildikter: DDU eskertý jasady

NUR-SULTAN. QazAqparat– Eýropanyń kóptegen elderi sanıtarlyq shekteýlerdi jeńildetip nemese tipti múldem alyp tastap jatyr. Óte juqpaly, biraq halyqtyń basym bóligine qaýipti emes «Omıkron» shtamynyń tez taralyp jatqanyna qaramastan birqatar elderdiń mundaı qadamǵa barýy Dúnıejúzilik densaýlyq saqtaý uıymyn alańdatyp otyr. Olardyń paıymynsha, vırýs taǵy mýtatsııaǵa ushyraýy múmkin, dep habarlaıdy QazAqparat Euronews-ke silteme jasap.

«Biz barlyq memleketti qolda bar quraldardy paıdalana otyryp, óz turǵyndaryn qorǵaýǵa shaqyramyz. Bul – tek vaktsına emes. Jeńis týraly jar salý áli kez kelgen memleketke erte. Bul vırýs qaýipti, ol bizdiń kóz aldymyzda damyp jatyr», - dedi DDU bas hatshysy Tedros Adanom Gebreıesýs.

Danııa aqpan aıynan bastap barlyq shekteýdi alyp tastap jatqan Eýropalyq odaqtaǵy alǵashqy memleketterdiń biri. Norvegııada osy jolmen júrýde, onda qashyqtan jumys isteýdi jáne adam kóp jınalatyn oryndarda shekteýlerdi alyp tastap jatyr. Frantsııa da matchtarǵa, kontsertterge lımıtti alyp tastaýda. Mundaı jeńildetýler tek vaktsına alǵan azamattarǵa qatysty.