Eýropa elderinde mereke qarsańynda shekteý sharalary engizilip jatyr

NUR-SULTAN. QazAqparat – Frantsııada koronavırýstyń taralýyna baılanysty taǵy da túngi klýbtar jabylmaq. Biraq bul joly qańtar aıynyń basyna deıin jabylady. Qorǵanys keńesi otyrysynyń qorytyndysy boıynsha úkimet osyndaı sheshimge keldi, dep habarlaıdy QazAqparat Euronews agenttigine silteme jasap.

Frantsııanyń premer-mınıstri Jan-Kasteks lokdaýn rejımin engizý týraly áli sóz bolmaǵanyn aıtty.

Mektepterde sanıtarlyq shekteýler kúsheıtiledi, jumys berýshilerge qyzmetkerlerge qashyqtan jumys isteýge múmkindik berý usynyldy.

15 jeltoqsannan bastap bes jastan 11 jasqa deıingi balalar koronavırýsqa qarsy vaktsınany ala alady.

Ispanııada Malaga aımaqtyq ýnıversıtet aýrýhanasynyń qyzmetkerleri arasynda koronavırýs órshidi.

Infektsııa aldaǵy Rojdestvoǵa baılanysty bolǵan túski astan keıin 68 qyzmetkerden tabyldy. Merekelik is-sharaǵa 170-ke jýyq adam qatysqan.

Túski as qarsańynda barlyq qonaq vaktsınatsııa sertıfıkatyn nemese koronavırýsqa antıgendik testtiń teris nátıjesin usyndy.

Ulybrıtanııada omıkron shtammy joǵary jyldamdyqpen taralyp jatyr. Sońǵy táýlikte 90 jańa jaǵdaı tirkeldi.

«Rastalǵan jaǵdaılardyń sany 336 adamǵa jetti, olardyń barlyǵy aýrý juqtyrǵan. Bireýlerinde aýrýdyń belgileri bolmaǵan, endi bireýleri syrqattanǵan. Meniń bilýimshe, olardyń eshqaısysy aýrýhanaǵa jatqyzylǵan joqi, - dep habarlady Ulybrıtanııanyń densaýlyq saqtaý mınıstri Sadjıd Djavıd.

Chehııanyń Densaýlyq saqtaý mınıstrligi aldaǵy kúnderi zeınetkerler men birqatar kásipterdiń ókilderine kelesi jyldyń 1 naýryzynan bastap koronavırýsqa qarsy mindetti vaktsınatsııa týraly qkim shyǵarylatynyn málimdedi.

Sonymen qatar, Chehııada jeltoqsan aıynyń ortasynda jańa úkimet taǵaıyndalady jáne koalıtsııa ókilderi bul qujatty synǵa alyp úlgerdi.