Eýropa elderinde ınflıatsııa jyldam ósýde

ASTANA. QazAqparat – Eýropadaǵy ınflıatsııa qarqyndy ósýde. Qyrkúıek aıynda ınflıatsııa ortasha eseppen 11% quraıtyn rekordty qaıta jańartty, dep habarlaıdy QazAqparat euronews.com saıtyna silteme jasap.

Mıllıondaǵan eýropalyqtar ınflıatsııany qatty sezinip otyr. Olar qarapaıym nárselerden bas tartýǵa, keıbir azyq-túlikti únemdeýge, ınternet kelisimsharttaryn toqtatýǵa, arzanyraq jalǵa beriletin páter izdeýge jáne t.b. májbúr bolýda.

Frantsııada joǵary ınflıatsııaǵa baılanysty jappaı ereýilder ótip jatyr. Biraq Eýrostat málimetinshe, ondaǵy jaǵdaı áli de tózimdi, baǵa «bar bolǵany» 6,4%-ǵa ósken. Eń joǵary kórsetkishter Baltyq elderinde (jyldyq mánmen eseptegende 22-den 24%-ǵa deıin) tirkelgen.

Inflatsııaǵa energııa baǵasynyń ósýi jáne basqa taýarlar men qyzmet túrleriniń qymbattaýy keri áserin tıgizgen.

Eýroaımaqtaǵy ınflıatsııa Eýropa Ortalyq bankiniń maqsatty kórsetkishterinen 5 ese jyldam ósýde.

Foto: dw.com