Eýropa elderinde ekokólikterdiń ǵana júrýine ruqsat berilmek

BRıÝSSELЬ. QazAqparat - Eýroparlament depýtattary Eýroodaqta 2035 jyldan bastap ishten janatyn qozǵaltqyshy bar kólikterdi satýǵa tyıym salý týraly kelisimdi maquldady, dep habarlaıdy QazAqparat tilshisi.

Osylaısha, Eýropalyq zań shyǵarýshylar EO elderin elektromobılderge kóshýge yntalandyrýǵa tyrysýda.

Eýroparlament atynan ókildik etetin Nıderland depýtaty ıAn Hıýıtem jáne Eýrokeńeske tóraǵalyq etip otyrǵan Chehııa Respýblıkasy tıisti kelisim jasasty.

Euractiv basylymynyń habarlaýynsha, bul kelisim bastapqyda «jasyl kelisim» aıasynda EO-nyń daýǵa toly zańnama bastamalarynyń biri retinde qarastyryldy. Degenmen, CO2 shyǵaryndylaryn shekteý týraly usynys jyldam ilgerilep, EO-ǵa múshe memleketter men Parlament maquldaǵan Eýroodaqtyń «Fit for 55» sharalar paketiniń alǵashqysy boldy.

2035 jylǵa qaraı EO-da satylatyn barlyq jańa avtomobılder men fýrgondar aýaǵa zııandy shyǵaryndy bólmeıdi dep kútilýde. Bul ishki janý qozǵaltqyshtary bar kólikterge túbegeıli tyıym salýdy bildiredi.

Foto: www.euractiv.com