Eýropa elderi sońǵy 500 jylda bolmaǵan qurǵaqshylyqtan zardap shegýde

NUR-SULTAN. QazAqparat – Shveıtsarııa men Frantsııa shekarasyndaǵy Bren kólindegi jaǵdaı Eýropadaǵy tarıhı qurǵaqshylyqtyń aýqymyn kórsetýde, dep habarlaıdy QazAqparat euronews-qa silteme jasap.

Bul sý qoımasy ıÝra taý jotasynda 12 myń jyl buryn paıda bolǵan. Buryn onyń tereńdigi 18 metrge jetse, bıylǵy jazda kól derlik tolyǵymen qurǵap qaldy. Brıýsselde Eýropadaǵy rekordtyq ystyq aýa jazdyń tabıǵat pen adamdarǵa tıgizetin áserin alańdaýshylyqpen zerttep jatyr.

«Júrgizilgen monıtorıng Eýropanyń kóptegen bólikterindegi aptap ystyq pen qýańshylyq osy jazda egin ónimdiligine qatysty boljamdy aıtarlyqtaı tómendetetinin kórsetip otyr. Eýropalyq komıssııa ǵalymdarynyń pikirinshe, Batys Jerorta teńiziniń batys bóliginde aýa raıy qarasha aıyna deıin ádettegiden jyly jáne qurǵaq bolady. Buryn aıtylǵandaı, qazirgideı qurǵaqshylyq kem degende 500 jyl boıy bolmaǵan», - dedi Eýrokomıssııa ókili Iohannes Barke.

Eginniń shyqpaýy – qurǵaqshylyqtyń jalǵyz saldary emes. Eýropanyń kóptegen qalalary men aýyldarynda, mysaly, Frantsııanyń ońtústik-shyǵysyndaǵy Le Býshe-Sen-Nıkolde turǵyndar úshin aýyz sý jetkiliksiz. Ony júk kólikterimen jetkizýge týra kelip otyr. Ózender men kólderde sý deńgeıiniń tómendeýi ekologııalyq problemalardy týdyrýda. Kóptegen sý qoımalarynda balyqtar qyrylyp, keme tasymaly toqtap tur.

Sonymen birge ystyq pen qurǵaqshylyqtyń 700 myń gektar orman órtenip ketken.

Foto: Anthony Anex/Keystone via AP