Eýropa elderi rojdestvony toılamaýy múmkin

LONDON. QazAqparat – Eýropanyń birneshe eliniń úkimeti juma kúni rojdestvony toılaýǵa áli erte dep eskertip, karantındik shekteýler jeltoqsannyń sońynda kúshinde qalýy múmkin ekendigin jarııalady, dep habarlaıdy QazAqparat BBC-ge silteme jasap.

Bul týraly Shvetsııa, Irlandııa jáne Frantsııa bıligi málimdedi. Sondaı-aq Eýropanyń keı elderi karantın tártibin qatańdatyp jatyr.

Keıingi táýlikte Italııada 40 902 adam koronavırýs juqtyryp, rekordtyq kórsetkishke jetti.

AQSh-taǵy jaǵdaı da máz emes. Juma kúni Kalıfornııada ınfektsııaǵa shaldyqqandar sany mıllıonnan asty. Buǵan deıin mundaı kórsetkish Tehas shtatynda tirkelgen. Shtat bıligi jańa shekteý sharalarynyń engiziletinin málimdedi, kalııafornııalyqtarǵa qatty qajettilik bolmasa shtattan shyqpaýdy surady. Osyndaı shekteýlerdi juma kúni Oregon jáne Vashıngton shtattarynyń ákimshiligi engizdi.