Eýropa dıplomatııasynyń basshysy Qurannyń órtelýine qatysty málimdeme jasady
Eýropalyq syrtqy ister qyzmetiniń málimdemesinde Eýropadaǵy musylmandardy qorlaǵan jekelegen tulǵalardyń jaqynda jasaǵan áreketterinen keıin Eýropa Odaǵy dinı óshpendilik pen tózimsizdikke ıtermeleýdiń kez kelgen túrine úzildi-kesildi qarsy ekenin taǵy da aıtady. «Alýantúrlilikti qurmetteý – Eýropalyq Odaqtyń basty qundylyǵy. Buǵan basqa dinı qaýymdastyqtardy qurmetteý de kiredi», – delingen EO syrtqy ister qyzmetiniń málimdemesinde.
Eýropa dıplomatııasynyń basshysy J.Borrel Qurandy nemese qasıetti dep sanalatyn kez kelgen kitapty qorlaý, qurmettemeý – arandatýshylyq ekenin atap ótti. «Násilshildik, ksenofobııa jáne soǵan baılanysty tózbeýshilik kórinisterine Eýropalyq Odaqta oryn joq. Biz shetelde jáne úıde din, senim jáne sóz bostandyǵyn qorǵaýdy jalǵastyramyz. Ózara túsinistik pen syılastyq úshin birge bolatyn kez keldi. Jeke arandatýshylar júzege asyrǵan bul áreketter bizdi jáne bizdiń qoǵamymymyzdy jik-jikke bólgisi keletinderge ǵana paıda ákeledi», - dedi EO Syrtqy ister jáne qaýipsizdik saıasaty jónindegi Joǵarǵy ókili.
Buǵan deıin habarlaǵanymyzdaı, Kopengagende Iraktyń Danııadaǵy elshiliginiń aldynda Quran kitabyn órteý aktsııasy ótti. BUU Bas Assambleıasy qasıetti kitaptardy qorlaýdyń kez kelgen áreketin aıyptap, mundaı áreketterdi halyqaralyq quqyqty buzý dep tanıtyn qaýly qabyldady.
Qazaqstan Prezıdenti Qasym-Jomart Toqaev birqatar Soltústik Eýropa memleketterinde Qurandy órteý áreketterin qazirgi álemdegi shıelenisti ýshyqtyrýǵa, halyqtar men memleketter arasyndaǵy senimge nuqsan keltirýge baǵyttalǵan arandatýshylyq dep sanaıdy.