Eýropa chempıonaty: Italııa óz alańynda Anglııadan jeńildi

ASTANA. QazAqparat – Fýtboldan 2024 jylǵy Eýropa chempıonatynyń irikteý satysy birinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.

23 naýryzdan 24-ine qaraǵan túni Eýropa chempıonatynyń irikteý satysynyń alǵashqy oıyn kúni ótti.

Bul kúngi basty kezdesýde S tobynda Italııa men Anglııa quramalary sheberlik baıqasty. Oıyn barysynda quramalar belsendi qımyl kórsetti.

Kezdesýde Italııa Anglııaǵa 1:2 esebimen jol berdi.

Sondaı-aq J tobynda Portýgalııa óz alańynda Lıhtenshteındi qabyldady. Atalǵan kezdesýde Krıshtıaný Ronaldý ulttyq qurama sapynda 197 oıynyn ótkizdi. Osylaısha ol álemdik rekordty jańartty.

Portýgalııalyqtar qarsylasynan 4:0 esebimen basym tústi. Kezdesýde ataqty fýtbolshy eki goldyń avtory atandy.

Al Qazaqstan quramasy synǵa túsetin H tobynda Danııa Fınlıandııany 3:1 esebimen tize búktirse, San-Marıno Soltústik Irlandııadan 0:2 esebimen jeńildi.

Keshe Qazaqstan quramasy Slovenııaǵa 1:2 esebimen jol bergen edi.

Endi atalǵan topta 26 naýryzda Soltústik Irlandııa men Fınlıandııa, Slovenııa men San-Marıno, Qazaqstan men Danııa sheberlik baıqasady.

1 týrdyń oıyn nátıjeleri

C toby

Italııa - Anglııa 1:2

Soltústik Makedonııa - Malta 2:1

H toby

Danııa – Fınlıandııa – 3:1

San-Marıno – Soltústik Irlandııa – 0:2

J toby

Portýgalııa – Lıhtenshteın – 4:0

Bosnııa jáne Gertsegovına – Islandııa – 3:0

Slovakııa – Lıýksembýrg – 0:0

Endi 24 naýryzda V, E, F, G toptarynda alǵashqy týr oıyndary ótkiziledi. Basty oıynnyń biri V tobyndaǵy Frantsııa - Nıderland quramalary arasynda bolady.