Eýropa chempıonatynda 24 maýsymda qaı quramalar oınaıdy

<p>ASTANA. KAZINFORM - Fýtboldan 2024 jylǵy Eýropa chempıonatynda búgin, 24 maýsymda úshinshi týr oıyndary bastalady.</p>

Bul kúni V tobynda Albanııa men Ispanııa oınaıdy. Kezdesý Dıýsseldorf qalasyndaǵy «Merkýr Shpıl-Arena» stadıonynda bolady.

Eki qurama buǵan deıin 8 márte kezdesti. Barlyǵynda Ispanııa quramasy jeńiske jetti. Sondaı-aq atalǵan toptaǵy taǵy bir kezdesý Horvatııa men Italııa arasynda bolady.

Kezdesý Leıptsıg qalasyndaǵy «Red Býll-Arena - Tsentralshtadıon» stadıonynda bolady. Qazirge deıin quramalar 9 márte kezdesip, 3-de Horvatııa, 1-de Italııa basym tússe, qalǵanynda teń nátıje tirkeldi.

Oıyndar Qazaqstan ýaqytymen 00.00-de «Qazaqstan» jáne «Qazsport» telearnalarynan tikeleı efırde kórsetiledi.

Alǵashqy týrda Italııa Albanııany 2:1, Ispanııa Horvatııany 3:0 esebimen jeńdi.

Ekinshi týrda Ispanııa Italııany 1:0 esebimen tize búktirse, Horvatııa men Albanııa 2:2 esebimen teń oınady.

Eske salsaq, 23 maýsymda A tobynda Germanııa men Shveıtsarııa 1:1 esebine qanaǵat bildirse, Vengrııa Shotlandııadan 1:0 esebimen basym tústi.