Eýropa chempıonaty: 16 maýsymda qaı quramalar oınaıdy

<p>ASTANA. KAZINFORM - Fýtboldan 2024 jylǵy Eýropa chempıonatynyń úshinshi oıyn kúni, 16 maýsymda úsh oıyn ótkiziledi.</p>

Aldymen 18:00-de D tobynda Polsha men Nıderland oınaıdy.

Kezdesý «Qazsport» telearnasynan tikeleı efırde kórsetiledi.

Eki qurama qazirge deıin 19 márte kezdesken. Onyń 3-i polshalyq quramanyń basymdyǵymen aıaqtalsa, 7-i teń aıaqtalyp, qalǵanynda nıderlandtyq fýtbolshylar jeńiske jetti.

Qurlyqtyq dodada Polsha besinshi márte baq synap otyrsa, Nıderland on birinshi márte qatysýda.

Odan keıingi S tobyndaǵy Slovenııa men Danııa oıyny 22:00-ge belgilengen.

Kezdesýdi jankúıerler «Qazsport» telearnasy arqyly tikeleı efırde tamashalaı alady.

Qazirge deıin eki qurama 6 márte sheberlik baıqasty. Olardyń 1-de teń nátıje tirkelce, qalǵanynda Danııanyń mereıi ústem boldy. Slovenııa ázirge atalǵan qarsylasyn jeńe almaı keledi.

Slovenııa bıyl qurlyqtyq doda fınaldyq satysynda ekinshi márte oınap jatsa, Danııa toǵyzynshy márte keldi.

Búgingi oıyndardy saǵat 23:55-te S tobyndaǵy Serbııa men Anglııa kezdesýi túıindeıdi.

Oıyn «Qazsport» telearnasynan tikeleı efırde kórsetiledi.

Eki qurama óz tarıhynda alǵash ret kezdeskeli otyr.

Eýropa chempıonatyna Serbııa tuńǵysh márte qatysýǵa múmkindik alsa, Anglııa onynshy ret keldi.

Aıta ketsek, budan buryn A tobynda Germanııa Shotlandııan 5:1, Shveıtsarııa Vengrııany 3:1 esebimen tize búktirdi.

Al V tobynda Ispanııa Horvatııadan 3:0, Italııa Albanııadan 2:1 esebimen basym tústi.