Eýropa banki «Baıqońyrda» jańa kún elektr stansasyn salady
«Máselen, jaqyna arada biz taǵy bir kún elektr stansasynyń qurylysyn bastamaqpyz. Ol Qyzylorda oblysynyń qaq ortasynda «Baıqońyr» ǵarysh aılaǵyna jaqyn jerde salynady. «Baıqońyrdan» alǵashqy jer serigi men adamnyń ǵaryshqa ushqanyn bárimiz jaqsy bilemiz. Dál sol jerde iri kún elektr stansasy salynǵany durys», - dedi Eýropa qaıta qurýjáne damý bankiniń prezıdenti Sýma Chakrabartı QR Prezıdenti janyndaǵy Sheteldik ınvestorlar keńesiniń búgingi otyrysynda.
Bank basshysynyń aıtýynsha, Qazaqstandaǵy balamaly energetıka men energııany tıimdi paıdalaný bastamalardy qoldaýǵa bank 1,9 mlrd dollar quıdy. Ortalyq Azııa boıynsha atalǵan kórsetkish 2,2 mlrd dollardy qurap otyr. Osylaısha, Qazaqstanda «jasyl» energetıkaǵa aqshany tartý jaǵynan erekshe belsendilik tanytyp keledi.
Aıta keteıik, otyrys barysynda QR Investıtsııalar jáne damý mınıstri Jeńis Qasymbek «Astana» halyqaralyq qarjy ortalyǵyn qurý boıynsha esep berdi.Onyń aıtýynsha, atalǵan Ortalyq kelesi jyldan bastap tolyqqandy jumys isteı bastaıdy.
Al «GE Oil & Gas» basshysy Lorentso Sımonelı Qazaqstanda ındýstrıaldyq ınternetti keńinen damytýdy usyndy.