Eýroodaqtyń ınvestbanki Ýkraınadan ketpekshi

ASTANA. QazAqparat - Eýropalyq ınvestıtsııalyq bank (EIB) Ýkraına aýmaǵyndaǵy óziniń qyzmetin ýaqytsha toqtatady, dep habarlady Reuters.

Bıznestiń turalaýyna bılik pen oppozıtsııa arasyndaǵy ýshyqqan jaǵdaı sebep boldy. Kıevtiń ózinde sońǵy táýlikte 26 adam qaza tapty. «Jaǵdaı jaqsarmaıynsha Ýkraınada bıznesti jalǵastyra almaımyz, ýkraınalyq keńselerde jumys isteıtin qyzmetkerlerimizdiń basyn qaterge tigý jaýapsyzdyq dep túsinemin», - dep málimdedi bank prezıdenti Verner Hoıer.

EIB Eýroodaq elderiniń memlekettik nesıelik mekemesi bolyp tabylady. 1958 jyly qurylǵan bank Eýropanyń damýy baıaý óńirlerine uzaqmerzimdi nesıe berýmen aınalysady.

Budan buryn 2014 jyly EIB Ýkraınanyń jylý, sýmen jabdyqtaý jáne sý bólý júıelerin jańǵyrtýǵa 800 mln. eýro nesıe beretindigin habarlaǵan.

Ýkraına úkimeti EIB 55 mln. eýro nesıe berýin oryndy dep tanyǵan, ony Italııa-Slovenııa-Vengrııa-Slovakııa-Ýkraına-Reseı kólik dáliziniń bóligi bolýy tıis Beskıdskıı tonelin salýdy jumsaýǵa josparlaǵan bolatyn.