Eýroodaqtaǵy eń kóp gúl eksporttaýshy el — Nıderland

BRıÝSSELЬ. QazAqparat - 2022 jyly Eýropalyq odaq orhıdeıa, gıatsınt, nartsıss jáne qyzǵaldaqty jalpy somasy 100,6 mıllıon eýroǵa eksporttady, al ımport 30,9 mıllıon eýrony qurady. Mundaı statıstıkalyq derekti eýropalyq Eurostat keltirip otyr, dep habarlaıdy QazAqparat menshikti tilshisi.

EO elderi arasynda Nıderlandyǵa túınek eksportynyń 81%-y tıesili (82 mln eýro).

Eksporttyń jalpy kólemindegi basqa jetekshi eksporttaýshylardyń úlesi 10%-dan tómen boldy: Lıtva (7%, balamasy 6,7 mln eýro), Polsha (5%, 4,8 mln eýro), Danııa (2%, 2,1 mln) jáne Latvııa (2%, 2,0 mln eýro).

Derekterge sáıkes, sonymen qatar orhıdeıa, gıatsınt, nartsıss jáne qyzǵaldaq túınekteriniń kópshiligi Eýropa aýmaǵyna eksporttalǵan.Shveıtsarııa EO-nyń osy ónim boıynsha negizgi seriktesi, bul taýarlardy 31,3 mıllıon eýroǵa (jalpy somanyń 31%) ımporttaıdy.Odan keıin Ulybrıtanııa (21,4 mıllıon eýro, EO eksportynyń 21%), Norvegııa (11,5 mıllıon eýro, 11%), Reseı (9,4 mıllıon eýro, 9%) jáne Ýkraına (5,5 mıllıon eýro, 5%).