Eýroodaqta 12-17 jas aralyǵyndaǵylarǵa arnalǵan ekinshi Covid-19 vaktsınasy maquldandy

BRıÝSSELЬ. QazAqparat - Eýropalyq dárilik zattar agenttigi Moderna kompanııasynan 12-17 jas aralyǵyndaǵy balalardy koronavırýsqa qarsy vaktsınatsııalaýǵa arnalǵan COVID-19 «Spikevax» preparatyn maquldady, dep habarlaıdy QazAqparat.

12 jastan 17 jasqa deıingi balalarda «Spikevax» vaktsınasyn qoldaný 18 jastan asqan adamdarmen birdeı bolady. Preparat tórt apta aralyqpen ıyqqa eki ınektsııa arqyly engiziledi.

«Spikevax» tıimdiligin zertteýge 12 jastan 17 jasqa deıingi 3732 bala qatysty. Eýropalyq dári-dármek agenttiginiń baspasóz baıanynda preparat 12-17 jas aralyǵyndaǵy balalarda 18-25 jas aralyǵyndaǵy jastarda (SARS-CoV-2-ge qarsy antıdeneler deńgeıi boıynsha) baıqalǵan reaktsııamen salystyrmaly antıdene reaktsııasyn týdyrdy dep kórsetilgen.

Vaktsına alǵan 2163 balanyń eshqaısysynda jalǵan ınektsııa jasalǵan 1073 balanyń tórteýimen salystyrǵanda COVID-19 damymaǵan. Bul nátıjelerge sáıkes 12-17 jas aralyǵyndaǵy balalardaǵy Spikevax tıimdiligi eresekterge arnalǵan vaktsınaǵa uqsas degen qorytyndy jasaýǵa bolady.

Buǵan deıin eýropalyq retteýshi amerıkalyq Pfizer kompanııasynyń 12-17 jastaǵy balalarǵa arnalǵan vaktsınasyn maquldaǵan bolatyn.