Eýroodaqqa múshe elder týrısterge shekarasyn ashpaq

BRıÝSSELЬ. QazAqparat – Eýropalyq odaq vaktsına alǵan týrısterge shekarasyn ashýǵa resmı kelisti. Bul týraly Eýropalyq komıssııanyń ókili Krıstıan Vıgand brıfıngide málim etti, dep habarlaıdy QazAqparat.

«EO elshileri Eýropalyq odaqqa tys jerlerden keletinderdiń saparlaryna baılanysty ózgertýler engizýge kelisti. Keńes endi múshe elderdi vaktsına alǵandar úshin shekteýlerdi jeńildetýge shaqyrady», - dedi ol.

Onyń aıtýynsha, EO sonymen qatar shekara qatal shekteýlersiz ashyq bolatyn elder tizimin keńeıtpek. Otyrysta mundaı elderdi anyqtaýdyń jańa krıterııleri kelisildi.

Resmı túrde bul sheshimdi jaqyn arada EO Keńesi bekitýi kerek.

Týrısterdiń vaktsına alǵandyǵyn rastaý boıynsha máseleni EO ár elmen jeke qarastyrmaq.

EO-ǵa múshe elderdiń shekarasy koronavırýs pandemııasy bastalǵan kezden beri mańyzdy emes saparlar (ıaǵnı, týrızm) úshin jabyq bolǵan.