10:32, 26 Sáýir 2023

Eýroodaq YouTube, Facebook, Instagram men TikTok-ty qatań baqylaýda ustaıdy

BRıÝSSELЬ. QazAqparat - Eýropa Odaǵy tamyz aıynan bastap 19 onlaın-platformaǵa, sonyń ishinde áleýmettik jeliler men izdeý júıelerine baqylaýdy kúsheıtedi, dep habarlaıdy QazAqparat Eýrokomıssııa saıtyna silteme jasap.

«Búgin komıssııa «Tsıfrlyq qyzmetter týraly» zań (DSA) boıynsha alǵashqy sheshimin qabyldady. Ol 17 iri onlaın platformany jáne aı saıynǵy belsendi paıdalanýshylardyń sany keminde 45 mln-ǵa jetetin eki negizgi onlaın izdeý júıesin anyqtady» delingen habarlamada.

25 tamyzǵa qaraı bul platformalar Tsıfrlyq qyzmetter týraly zańǵa sáıkes jańa mindettemelerdi oryndaýǵa tıis.

Bul mindettemeler ınternet paıdalanýshylaryn, sonyń ishinde kámeletke tolmaǵandardy qorǵaýǵa baǵyttalǵan.

Atap ótkende, myna platformalarǵa baqylaý kúsheıtiledi:

Alibaba AliExpress,

Amazon Store,

Apple AppStore,

Booking.com,

Facebook,

Google Play,

Google Maps,

Google Shopping,

Instagram,

LinkedIn,

Pinterest,

Snapchat,

TikTok,

Twitter,

Wikipedia,

YouTube,

Zalando,

Bing,

Google Search.

Aqparattyq tehnologııalar Eýropa Internet Álem jańalyqtary

Zarına Týǵanbaeva