Eýroodaq tarıhynda birinshi ret násilshildikpen kúres boıynsha úılestirýshi taǵaıyndaldy

BRıÝSSELЬ. QazAqparat – Eýropalyq komıssııa Mıkaela Mýany óziniń tarıhtaǵy birinshi násilshildikpen kúres boıynsha úılestirýshisi etip taǵaıyndady, dep habarlaıdy QazAqparattyń menshikti tilshisi.

Osylaısha, Eýrokomıssııa EO-nyń násilshildikpen kúres boıynsha josparynda baıandalǵan mindetterin oryndaıdy.

Óziniń jańa qyzmetinde Úılestirýshi násildik jáne etnostyq azshylyqpen tyǵyz qarym-qatynasta bolyp, olardyń alańdaýshylyqtaryn Komıssııaǵa jetkizip otyrady.

M. Mýa násilshildikpen kúres salasyndaǵy saıası sharalardy kúsheıtý úshin EO-nyń múshe elderimen, Eýropalyq parlamentpen, azamattyq qoǵammen jáne ǵylymı qaýymmen tyǵyz baılanysta jumys isteıdi.

Násilshildikpen kúres boıynsha úılestirýshi násilshildikti boldyrmaý jáne onymen kúresý boıynsha saıasatty júzege asyrý úshin Eýrokomıssııanyń basqa qyzmetterimen kúsh biriktiredi.

Teńdik máseleleri boıynsha komıssar Helena Dalı «Men Mýa hanymdy qýanyshpen qarsy alamyn. Onyń jumysy násilshildikpen kúres boıynsha jospardy júzege asyrýda mańyzdy bolmaq. Onyń taǵaıyndalýymen Komıssııa antınásilshil Eýropalyq odaqty qurýǵa taǵy bir mańyzdy qadam jasaıdy. Biz EO elderimen, azamattyq qoǵammen jáne ózge de múddeli taraptarmen tyǵyz qarym-qatynas jasap, násilshildikpen kúres boıynsha kúshimizdi biriktirýge nıet etip otyrmyz».

Mýa hanym halyqaralyq damýdy meńgerip, odan keıin óz eli Fınlıandııada násilshildik jáne kemsitýshilikpen kúresetin ÚEU-larda jetekshi qyzmetterde boldy. Sońǵy birneshe jyl ol Fınlıandııanyń Ádilet mınıstrliginde jumys istegen. Onyń násilshildik pen etnostyq belgiler boıynsha kemsitýshilik, sonymen qatar etnostyq birdeı jáne ártúrli qoǵamdy ilgeriletý boıynsha mol bilimi men tájirıbesi bar.