Eýroodaq Sırııaǵa gýmanıtarlyq kómek jiberý úshin áýe kópirin uıymdastyrady

<p>ASTANA. KAZINFORM &ndash; Eýropalyq Odaqtyń Dýbaıdaǵy qoımalarynan Túrkııa arqyly Sırııaǵa 50 tonna medıtsınalyq qural jiberiledi. Gýmanıtarlyq kómektiń ekinshi partııasy Danııadan jetkiziledi, dep habarlaıdy<a href="https://www.dw.com/ru/es-organizuet-vozdusnyj-most-dla-gumanitarnoj-pomosi-sirii/a-71052926" target="_blank" rel="noopener"> DW.</a></p>

Eýropalyq Odaq Túrkııa arqyly Sırııa halqyna gýmanıtarlyq kómek jetkizýge kómektesetin áýe kópirin iske qosyp jatyr. Eýropalyq Odaqtyń Dýbaıdaǵy qoımalarynan 50 tonna medıtsınalyq zattardyń alǵashqy partııasy Túrkııanyń Adana qalasyna jetkiziledi, olar jaqyn kúnderi Sırııaǵa taratylady, dep habarlady Eýropalyq komıssııa juma, 13 jeltoqsanda.

Taǵy 46 tonna gýmanıtarlyq kómek júk kóligimen Danııadan Adanaǵa jetkizilip, Sırııaǵa taratý úshin ıÝNISEF pen Dúnıejúzilik densaýlyq saqtaý uıymynyń qyzmetkerlerine tapsyrylady. Jabdyqtarǵa azyq-túlik, dári-dármek jáne ýaqytsha baspanaǵa arnalǵan materıaldar kiredi, dedi Eýropalyq komıssııa tóraǵasy Ýrsýla fon der Lıaıen. Aıtýynsha, ol 17 jeltoqsanda Túrkııa prezıdenti Rejep Taıyp Erdoǵanmen kezdesýde gýmanıtarlyq kómek kórsetý máselelerin talqylaıdy.

Bul – Bashar Asad rejımi qulatylǵannan keıin Eýroodaqtyń Sırııaǵa jibergen alǵashqy gýmanıtarlyq kómegi. 2024 jyldyń sońyna qaraı Eýropanyń Sırııaǵa gýmanıtarlyq kómeginiń kólemi 163 mıllıon eýroǵa jetti.

Buǵan deıin Eýroodaq Sırııadaǵy oqıǵalarǵa baılanysty resmı málimdeme jasady.