Eýroodaq Sırııa boıynsha Astana protsesiniń qosqan úlesin moıyndady

BRıÝSSELЬ. QazAqparat - Eýropalyq odaq Astanada ótken kezdesýlerdiń bitimgershilikti qalpyna keltirip, soǵys qımyldaryn toqtatý rejımin saqtaý jáne ony baqylaýda ustaý boıynsha úshjaqty tetikti qurýǵa qosqan úlesin moıyndady. Bul týraly dúısenbi kúni Lıýksembýrgte qabyldanǵan EO syrtqy ister keńesiniń qorytyndy qujatynda aıtyldy, dep habarlaıdy «QazAqparat» HAA-nyń menshikti tilshisi.

«Eýroodaq shıelenistiń áskerı sheshiminiń bolmaıtyndyǵyna jáne Sırııanyń birligi, egemendigi, aýmaqtyq tutastyǵy men táýilsizdiginiń saqtalatynyna senimdi», - delingen EO Keńesiniń qujatynda.

«2012 jyly Jeneva kommıýnıkesi men BUU QK №2254 rezolıýtsııasynda kórsetilgendeı, tek senimdi saıası sheshimder Sırııadaǵy turaqtylyqty qamtamasyz etip, DAISh pen basqa da terrorıstik toptarǵa sheshýshi jeńilis beretini atalyp ótti.

Sonymen qatar, Eýroodaq BUU-nyń Sırııa jónindegi arnaıy elshisi Steffan de Mıstýranyń jumysyna jáne Jenevadaǵy kelissózderdiń qalpyna keltirilýine qoldaý bildirdi.

«Jenevadaǵy progress zorlyq-zombylyqty azaıtý jáne atalmysh jerlerdegi senimdi nyǵaıtý boıynsha salynǵan kúsh-jigerge baılanysty bolady. Osyǵan oraı, EO Keńesi Astanada ótken kezdesýlerdiń bitimgershilikti qalpyna keltirip, soǵys qımyldaryn toqtatý rejımin saqtaý jáne ony baqylaýda ustaý boıynsha úshjaqty tetikti qurýǵa qosqan úlesin moıyndaıdy», - dep ataldy Keńestiń qorytyndysynda.

Sonymen qatar, EO SІM basshysy «jalǵasyp jatqan zorlyq-zombylyqqa úlken alańdaýshylyq» bildirdi.

«EO Keńesi barlyq taraptardyń soǵys qımyldaryn toqtatý rejımin saqtap, kepilger retinde Reseı, Túrkııa jáne Irannan óz mindetterin tolyq oryndaýdy suraıdy», - delingen EO keńesiniń úkiminde.