Eýroodaq sammıtinde energııa jetkizýshilerdiń baǵany nege kótergeni talqylanady
«Birinshi jumys sessııasy kezinde biz energııa jetkizýshilerdiń pandemııadan keıingi qalpyna kelýdi qıyndatyp, azamattarymyz ben bızneske kúrdeli jaǵdaı týdyrǵan qazirgi baǵa ósimin qarastyramyz. Eýrokomıssııanyń jaqynda jasaǵan málimdemesine negizdelip, biz eń kóp zardap shekkenderge qysqa merzimdi kómek turǵysynan, sondaı-aq ortamerzimdi jáne uzaqmerzimdi turǵydan EO jáne ulttyq deńgeıde ne isteı alatynymyzdy qarastyramyz», - delingen Eýropalyq Odaq basshysy Sh.Mısheldiń málimdemesinde.
«Biz sondaı-aq COVID-19 pandemııasyna baılanysty qazirgi jaǵdaıdy ortaǵa salamyz. Pandemııa áli aıaqtalǵan joq, múshe memleketterdiń keıbireýlerinde áli de ósip jatyr. Vaktsınalaý COVID-19 vırýsyna qarsy kúresti aıtarlyqtaı ilgeriletti, alaıda vaktsına alý jáne teris aqparat taratýǵa qatysty áli de kóp is tyndyrý qajet», - dep málimdedi Sh.Mıshel.
Osy kúnderi aýa raıyna baılanysty Eýropada gaz baǵasynyń bir myń tekshemetri úshin 1101 dollarǵa deıin tómendeýine septigin tıgizgen. Aýa temperatýrasynyń joǵarylaýy men jeldiń kúsheıýi baıqalyp otyr, bul jylytý júıelerine túsetin salmaqty tómendetip, jel elektr stansalarynyń ónimdiligi artyp otyr.
Avtor: Arnur Rahymbekov