Eýroodaq Reseıge qatysty 9-sanktsııalar paketin usyndy

ASTANA. QazAqparat – Eýropalyq Odaq Reseıge qatysty 9-sanktsııalar paketiniń bóligi retinde reseılik sheneýnikteri men áskerılerdiń saıahattaýyna tyıym salyp, aktıvterin buǵattaýdy kózdep otyr, dep habarlaıdy QazAqparat Euronews agenttigine silteme jasap.

9-sanktsııalar paketine kiretin usynystardy EO-nyń atqarýshy bıligi, Eýropalyq komıssııa jasady.

«Birinshiden, biz sanktsııalar tizimine taǵy 200-ge jýyq jeke jáne zańdy tulǵalar qosýdy usynamyz. Onyń ishinde Reseı Qarýly Kúshteri, jekelegen ofıtserler men qorǵanys ónerkásibi kásiporyndary, sondaı-aq Memlekettik Dýma depýtattary, Federatsııa Keńesi, mınıstrler, gýbernatorlar jáne saıası partııalar bar», - dedi Eýropalyq komıssııa tóraǵasy Ýrsýla fon der Lıaıen.

Sanktsııalarǵa qosarly maqsattaǵy drondar men olardyń quramdas bólikterin jetkizýge eksporttyq shekteýler de kirmek. Bul sharalar óz kúshine engenge deıin EO-nyń barlyq 27 múshe memleketimen talqylanyp, maquldanýy tıis.

Eske salsaq, 5 jeltoqsannan bastap Eýropalyq Odaqtyń tankerlermen jetkiziletin Reseı munaıyna tyıym salatyn embargo kúshine endi.

Eýropalyq Odaq osy maýsym aıynda Reseı Federatsııasyna qarsy sanktsııalardyń altynshy paketin qabyldady. Onda 5 jeltoqsannan bastap Reseı munaıyn jáne 5 aqpannan bastap munaı ónimderin teńizge jetkizý boıynsha keıinge qaldyrylǵan embargo qarastyrylǵan.

Foto: cdncloudcart.com