Eýroodaq Ortalyq Azııadaǵy yntymaqtastyqty odan ári arttyrmaq

BRıÝSSELЬ. QazAqparat – Seısenbi kúni Eýropalyq Odaqtyń Syrtqy ister mınıstrleri Aýǵanstandaǵy sońǵy oqıǵalardy talqylaý maqsatynda kezekten tys otyrys ótkizdi, dep habarlaıdy QazAqparat.

Otyrys qorytyndylary boıynsha, Eýroodaqtyq Syrtqy ister jáne qaýipsizdik saıasat jónindegi Joǵarǵy ókili Jozep Borrel Eýropalyq Odaq atynan málimdeme jasady.

«EO Aýǵanstandaǵy barlyq taraptardy ózine júktegen mindettemelerdi saqtap, barlyǵyn qamtıtyn jáne berik saıası sheshim izdeýdi jalǵastyrýǵa shaqyrady», - delingen málimdeme mátininde.

Eýroodaq Eýroodaqtyń Aýǵanstandaǵy barlyq azamattardyń, sondaı-aq EO jáne múshe memleketterge qyzmet etip júrgen jergilikti adamdar qaýipsizdiginiń mańyzdylyǵyn atap ótýde.

Budan basqa, EO Aýǵanstannyń barlyq aýmaǵynda kez kelgen zorlyqty toqtatý, qaýipsizdik pen azamattyq tártipti qalpyna keltirý, sondaı-aq azamattardyń ómiri, ar-namysy jáne múlkin qurmetteýge úndep otyr.

J.Borrel EO-nyń aýǵan halqy men demokratııa, eldegi qolaıly basqarý, adam quqyqtaryn saqtaý jáne áleýmettik-ekonomıkalyq damýǵa qoldaý kórsetýin jalǵastyratyryp, Aýǵanstanda jalǵasyp otyrǵan shıelenis jaǵdaıynda aımaqtyq turaqsyzdyqqa, esirtkiniń zańsyz aınalymyna jáne zańsyz kóshi-qonǵa ákelip otyrǵan qaýip-qaterlerdiń aldyn alý jáne basqarý boıynsha barynsha kúsh salatynyn málimdedi.

«Bul mánde EO-nyń Ortalyq Azııadaǵy seriktesterimen ózara árekettestigi úlken mánge ıe bolady», - delingen Eýroodaq málimdemesinde.

Avtor: Arnur Rahymbekov