Eýroodaq ókili men Ottava meri qazaqstandyqtardy Naýryzben quttyqtady
Belgııadan quttyqtaý joldaǵan Eýropalyq Odaqtyń Ortalyq Azııa boıynsha arnaıy ókili Peter Býrıan COVID-19 pandemııasy eki aradaǵy dostyq baılanysty álsirete almaıtynyn aıtty.
«Qurmetti dostar! Sizderdi Eýropalyq Odaq atynan Narýzy meıramymen shyn júrekten quttyqtaımyn. Qazaqstan halqyna baqyt, bereke jáne myqty densaýlyq tileımin. Búgin elderimiz COVID-19 pandemııasymen jáne onyń saldarymen kúresip jatqan kezeńde Naýryz meıramynyń máni erekshe arta túsedi. Eýropalyq Odaq jaqsylyq pen qıyndyqta da Qazaqstannyń myqty áriptesi bolatynyna sendirgim keledi. Osynaý qıyn kezeńde, salmaqty táýekelder týyndaýyna baılanysty eki aradaǵy yntymaq synǵa túsip jatyr. Bul syn-qaterlerdi birlesip qana eńsere alamyz. Bul daǵdarys bizge aradaǵy qatynasty basynan bastap, jańasha qurýǵa múmkindik beredi. Joǵaltqandy tabý, ókinishterdiń ornyn toltyrý Naýryz meıramynyń rýhymen de úndes. Bul jyl jańarý men jandanýdyń jyly bolsyn», - dedi Eýroodaq ókili.
Al Parıj qalasynan sálem joldaǵan Iran Respýblıkasynyń ıÝNESKO janyndaǵy turaqty ókili Ahmad Pakatchı Almatyda qyzmette bolǵan kúnderin saǵyna eske alatynyn aıtady.
«Naýryz meıramyn qazaq halqy qalaı toılaıtynyn óz kózimmen kórý ári qatysý men úshin zor múmkindik boldy dep esepteımin. Almatyda dáris bergen jyldarymdy, súıikti qalany jáne meıirimdi dostarymdy ystyq estelik retinde jıi eske alyp otyramyn. Sondyqtan men Qazaqstandy, onyń halqyn jáne onyń mádenıetin bilip qana qoımaı, ony qurmetteımin jáne súıemin. Naýryz meıramyn toılaý Shyǵystaǵy birneshe halyqqa ortaq dástúr. Sol ulttardyń qataryna Qazaqstan men Iran bar. Meniń aıtaıyn degenim, Naýryzdy halyqaralyq beıbitshilik pen baýyrlastyqqa shaqyratyn shabyttandyrýshy dástúr retinde kórý mańyzdy dep oılaımyn. Aldymen men eki el arasynda kezdesetin keıbir sımvoldyq qunydylyqtarǵa toqtalǵym keledi. Naýryz biz úshin dostyqty, súıispenshilik pen qunarlylyqty bildiredi. Dástúr boıynsha bizdiń ulttarymyz Naýryzda týystary men dostaryna barý qajet. Olar bir-birine keler jylǵa jáne uzaq bolashaqqa degen jaqsy tilekterin bildiredi. Mysaly, ırandyqtar arasynda keń taralǵan bir sóz bar. «Men sizge búginnen bastap taǵy 100 jyl jaqsylyq tileımin». Osy múmkindikti paıdalana otyryp, Qazaqstan halqyna qazirgi jaǵdaıdan jaqsy taǵy 100 jyl tileımin. Ulystyń uly kúni – Naýryz meıramy qutty bolsyn!. Aq mol bolsyn», - deıdi ıÝNESKO ókili
Chehııanyń Karlova ýnıversıtetiniń rektory Tomash Zıma da qazaqstandyqtarǵa izgi tilgeni joldapty.
«Naýryzda Qazaqstan halqyna myqty densaýlyq tileımin. Pandemııanyń qıyn kezeńin eńserýlerńizige tilektespin. Ómirlerińizde qýanysh pen optımızım kóp bolsyn», - deıdi chehııalyq ǵalym.
Kanada astanasynyń meri Djım Ýotson da Ottavadan quttyqtaý joldady.
«Dál qazir birge bolý múmkin emes bolǵanyna qaramastan, búkil qazaqstandyqtardy Naýryz merekesimen quttyqtaý men úshin ǵanıbet»,- deıdi qala basshysy.
Ulys kúnine arnap ystyq peıilderin bildirýshilerge jat elde júrse de, tili men dástúrin umytpaǵan qandastarymyz da qosylyp jatyr. Reseıden «Móldir» Sibir qazaqtary ortalyǵynyń» tóraıymy Altynaı Júnisova óz lebizin arnady.
«Qurmetti baýyrlar, qandastar, dostar! Barshańyzdy jańarý men teńdiktiń meıramy Naýryz merekesimen qutyqtaımyz. Biz qazaq tarıhynyń bel ortasyndaǵy qasıetti Omby jerinenbiz. Bul keshegi han-sultandar – Shoqan men Álıhan, Maǵjan men Smaǵul, Sáken men Qoshke aıaldaǵan qala. Eki eldiń yntymaǵyna osy tulǵalar erekshe áser ete beredi. Mádenıetimiz, ulttyq dástúrmizi jarqyrap kórine bersin! Qazaqstan-Reseı baılanysy jańa sapaly deńgeıge kóterile bersin! Elimiz aman, jurtymyz tynysh bolsyn! Týǵan, ana tilimizdiń tuǵyry bıikteı bersin», - tilegin bildirdi.