Eýroodaq maımyl sheshegine qarsy vaktsına satyp alady
08:30, 15 Maýsym 2022
NUR-SULTAN. QazAqparat - Eýropada bul aýrýdyń 900 deregi tirkeldi, dep habarlaıdy QazAqparat euronews.com agenttigine silteme jasap.
Seısenbide EO densaýlyq saqtaý mınıstrleriniń kezdesýinde densaýlyq saqtaý jáne tutynýshylar quqyǵy jónindegi komıssar Stella Kırıakıdes búkil Eýropalyq Odaq úshin jańa qaýipten qorǵaýdyń biryńǵaı sharalaryn jarııalady.
«Men maımyl sheshegine qarsy 110 myńǵa jýyq vaktsına satyp alý týraly kelisimge qol qoıamyn. Odaqqa múshe elderge alǵashqy jetkizilim maýsym aıynyń sońynda bastalady», - dedi Stella Kırıakıdes.