Eýroodaq qyrǵyz-tájik shekarasynda oq atýdy toqtatý týraly kelisimdi qoldap otyr

BRıÝSSELЬ. QazAqparat – Eýropalyq odaq Ortalyq Azııadaǵy Arnaıy ókili men óńirdegi delegatsııalary arqyly Qyrǵyzstan men Tájikstan bıligimen turaqty dıplomatııalyq qatynas júrgizip otyr, dep habarlaıdy QazAqparat.

EO beısenbi kúni Qyrǵyz Respýblıkasy men Tájikstannyń oq jaýdyrýdy toqtatý jáne aldaǵy ýaqytta shekara máselesin saıası retteý boıynsha kelissózder júrgizý týraly qol jetkizgen kelisimin quptaıdy.

«Biz sońǵy kúnderi oryn alǵan zorlyq týraly málimetterdi kóńilsiz qabyldap, týystary men dostarynan aıyrylǵan jandarǵa qaıǵyryp kóńil aıtamyz», dep habarlaıdy Eýropalyq odaq.

Janjaldy beıbit jolmen sheshý úshin kelisim shyǵarý qajet. Eki tarap ta bolashaqta qandaı da bir janjaldan aýlaq bolý úshin barlyq tıisti qadamdar jasaýy tıis.

«EO qajettilik týyndaǵan jaǵdaıda shekarany jáne sý resýrstaryn basqarýmen, sondaı-aq EO-nyń Ortalyq Azııa boıynsha Strategııanyń basty basymdyǵy bolyp tabylatyn aımaqtyń turaqtylyǵy men gúldenýin saıası qoldaýǵa baılanysty aımaqtyq baǵdarlamalarynyń aıasynda tehnıkalyq kómegin kórsetýge daıyn», - dep atap ótti Eýropalyq komıssııanyń ókili Peter Stano.