Eýroodaq koronavırýsqa qarsy vaktsınany eksporttaýǵa tyıym salýdy uzartty

BRıÝSSELЬ. QazAqparat – Eýroodaq qoǵamdastyqqa múshe elderden arnaıy ruqsat almaı, óz aýmaǵynan jańa koronavırýsqa qarsy vaktsınany eksporttaýǵa salǵan tyıymdy maýsym aıynyń sońyna deıin uzartty, dep habarlaıdy QazAqparat.

Bul týraly Eýrokomıssııanyń (EK) jınalysynda aıtyldy.

«Búgin komıssııa COVID-19 vaktsınalaryn eksporttaýdyń ashyqtyǵy men avtorızatsııalaý mehanızminiń jumysyn maýsymnyń sońyna deıin uzartty», – delingen Eýropalyq komıssııanyń habarlamasynda.

Belgili bolǵandaı, bul sheshim «EO-ǵa vaktsınalardyń keıbir jetkizilimderindegi turaqty kidiristerge» baılanysty.

Buǵan deıin habarlanǵandaı, Eýroodaq elderinde naýryz aıynyń sońyna deıin jetkizilýi yqtımal Pfizer/BioNTech kompanııalary vaktsınasynyń qosymsha 4 mln dozasyn alýǵa múmkindigi bolady.