Eýroodaq Izraıldi Rafahtaǵy áskerı operatsııany dereý toqtatýǵa shaqyrdy

<p>ASTANA. KAZINFORM &ndash; Eýropalyq syrtqy áreket qyzmeti Gazadaǵy jaǵdaıǵa qatysty málimdeme jasady. Bul týraly <a href="https://www.eeas.europa.eu/eeas/gaza-statement-high-representative-israel%E2%80%99s-operation-rafah_en" target="_blank" rel="noopener">eeas.europa.eu</a>&nbsp;jazdy.&nbsp;</p>

Onda Eýroodaq Izraıldi Rafahtaǵy áskerı operatsııany dereý toqtatýǵa shaqyrǵan.

«Bul operatsııa Gaza sektoryndaǵy gýmanıtarlyq kómektiń taralýyna odan ári nuqsan keltiredi jáne ishki bosqyndardyń kóbeıýine, ashtyq pen adamdardyń qaıǵy-qasiretiniń artýyna ákeledi», - dedi Eýropalyq syrtqy áreket qyzmeti.

Eýroodaqtyń baǵalaýynsha, mıllıonnan astam beıbit turǵyn Rafah pen onyń tóńiregin panalaýda jáne olardy BUU qaýipsiz dep sanaıtyn aımaqqa evakýatsııalaýǵa buıryq berildi. 

«EO Izraıldiń ózin-ózi qorǵaý quqyǵyn moıyndaǵanymen, Izraıl muny halyqaralyq gýmanıtarlyq quqyqqa sáıkes jasap, beıbit turǵyndardyń qaýipsizdigin qamtamasyz etýi kerek. Eýropalyq Odaq Izraıldi Gaza sektoryndaǵy onsyz da aýyr gýmanıtarlyq jaǵdaıdy odan ári ýshyqtyrýdan bas tartýǵa jáne Rafah ótkelin qaıta ashýǵa shaqyrady. Eger Izraıl Rafahtaǵy áskerı operatsııasyn jalǵastyrsa, bul sózsiz EO-nyń Izraılmen qarym-qatynasynda eleýli shıelenis týdyrady, - dep atap ótti EO dıplomatııalyq qyzmeti. 

Eýropalyq Odaq sondaı-aq HAMAS-tyń Kerem-Shalom ótkeline jasaǵan shabýylyn aıyptaıdy. Olardyń aıtýynsha, bul operatsııa gýmanıtarlyq kómekti jetkizýdi odan ári qıyndatqan.