Eýroodaq Iranǵa qarsy sanktsııalardy taǵy bir jylǵa uzartty

<p>ASTANA. KAZINFORM - Eýropalyq Odaq Irannyń Reseıge áskerı qoldaý kórsetýdegi, sondaı-aq aımaqtaǵy ıslamdyq qarsylasý toptaryn qamtamasyz etýdegi róli týraly málimdemelerdi qaıtalaı otyryp, Iranǵa qatysty sanktsııalardy taǵy bir jylǵa uzartty,&nbsp; dep jazady <a href="https://ru.irna.ir/news/85539977/%D0%95%D0%B2%D1%80%D0%BE%D0%BF%D0%B5%D0%B9%D1%81%D0%BA%D0%B8%D0%B9-%D1%81%D0%BE%D1%8E%D0%B7-%D0%BF%D1%80%D0%BE%D0%B4%D0%BB%D0%B8%D0%BB-%D1%81%D0%B0%D0%BD%D0%BA%D1%86%D0%B8%D0%B8-%D0%BF%D1%80%D0%BE%D1%82%D0%B8%D0%B2-%D0%98%D1%80%D0%B0%D0%BD%D0%B0-%D0%B5%D1%89%D0%B5-%D0%BD%D0%B0-%D0%B3%D0%BE%D0%B4" target="_blank" rel="noopener">IRNA</a> agenttigi.</p>

Iranǵa qarsy sanktsııalar 2025 jyldyń 27 shildesine deıin uzartyldy. Jyl saıyn qaıta qaralatyn bul sanktsııalarǵa Irannyń nemese Iranmen baılanysty 12 jeke jáne 9 zańdy tulǵasy kiredi.

Jarııalanǵan málimdemege sáıkes, sanktsııalanǵan adamdar men mekemelerdiń aktıvteri saqtalady. Al EO kompanııalary men azamattaryna olarmen qarjylyq qatynastarǵa túsýge tyıym salynady. Sondaı-aq, sanktsııalanǵan jeke tulǵalarǵa EO-ǵa múshe elder arqyly kirýge nemese ótýge tyıym salynady.

«Irandyq jáne reseılik sheneýnikter Ýkraınadaǵy soǵysqa baılanysty áskerı yntymaqtastyq týraly talaptardy birneshe ret joqqa shyǵardy. Biraq ótken jazdan bastap EO sıonıstik rejımniń nusqaýymen jáne Iran Islam Respýblıkasynyń qarsylastarynyń qysymymen Tegeranǵa qarsy birqatar sanktsııa engizdi. Sondaı-aq Odaq ótken sáýirde Iranǵa qarsy sanktsııalardy ırandyq zymyrandar men drondardy tasymaldaýǵa qatysatyn adamdar men uıymdardy nysanaǵa alý úshin «Adal ýáde» operatsııasy aıasynda kúsheıtti», - delingen IRNA habarlamasynda.